كأس الغرام السادس

غرام ظهرت فى اى وقت ياريت تتصل عليا ...
وأخذ السائق وغادر وهو يشعر بالندم على ما فعله ...
عند غرام 
طلبت من سلمى باحضار بعض الأوراق 
فهى بحاجه ملحة للكتابه فعالم الروايات هى العالم الذى تعشقه وتعيش معه حياتها الورديه ...
احضرت لها سلمى ما طلبت 
وجلست غرام فى سرد قصتها 
وكان عنوانها روايتى كاس الغرام 

أنه الكأس الذى نتجرعه من ايدى من نحبهم ...قد يكون لذيذا ولكنه فى الغالب بطعم العسل المر ...نحن نعيش عالمنا عالم ملئ بالاحقاد والظلم ..من اقرب الناس الينا ...وظلت تكتب والأفكار تواردها ....فهى قصتها التى عاشتها على أرض الواقع ....
أتى المساء حيث حضر لؤى ...
لؤى انا مش عارف اقدر اساعدك بايه يا آنسه ..وصمتت 
غرام اسمى غرام يا استاذ لؤى ..واتمنى اللى حصل النهارده يكون سر بينا ..مش عايزة استاذ اسد يعرف حاجه عن اللى حصل معايا ...احنا كل اللى بيربطنا شغل ..مش اكتر 
لؤى من غير ما تطلبي دا وعد ...
كنت حابب اعرفك أن اسد بلغنى أن بكرة حضرتك هتيجى توقعى العقد بالتجديد ..
غرام وهى تحاول أن تبدو متماسكه من أجل حلمها ..
غرام اكيد أن شاء الله بكرة على ميعادنا ...بقلم منال عباس 
لؤى هنكون فى انتظارك ...
سلمى لؤى ..هو ما ينفعش تأجل دا على ما غرام تشد حيلها شويه ..
لتقاطعها غرام 
غرام لا يا سلمى انا كويسه ودا شغل 
ونظرت إلى لؤى ..واكملت لو سمحت تكونوا مجهزين ليا الفلوس نقدى ...
لؤى طبعا دا حقك 
استاذنهم لؤى وغادر ..
سلمى ناويه على ايه يا غرام 
غرام دار النشر دى طلعت من أملاكى 
عمى أدانى كل الاوراق اللى تثبت ميراثى عن والدى ..
سلمى طب ناويه على ايه 
غرام مش وقته صبرا جميلا...وكله هيدوق من نفس الكاس ...
سلمى انا خاېفه عليكى يا غرام ..اوقات الاڼتقام بيدمر صاحبه ..
سلمى اطمنى انا دوقت الظلم ..وبالتالى مش هظلم ..بس كل واحد يدوق من نفس الكاس...
مضى الليل وأتى الصباح 
استيقظ اسد ونظر إلى الاريكه فكانت فارغه ..شعر بالاسي 
يشعر أنه فقدها للابد ...اتصل على لؤى للإعتذار عن الحضور اليوم 
لؤى ما ينفعش النهارده بالاخص 
اسد ليه
يعنى 
لؤى انت ناسي الكاتبه المجهوله وميعاد توقيع العقد 
اسد اه صحيح ..طب تمام ساعه واكون عندك 
نزل اسد إلى والده للاطمئنان عليه 
اسد صباح الخير يا بابا عامل ايه دلوقت 
عادل انا احسن الحمد لله ...اومال فين غرام معقول ما تسألش عليا ..
اسد بحزن لا طبعا سألت عليك ..بس هى خرجت عندها مشوار ولما ترجع هتجيلك 
عادل غرام بنت عمك كنز يا اسد حافظ عليها يا ابنى 
هز رأسه اسد بالموافقه وتركه ..وقاد سيارته إلى المؤسسه ....بقلم منال عباس
عند غرام 
ارتدت من ملابس سلمى وكانت غايه فى الجمال ..وقررت الذهاب إلى المؤسسه بكل ثقه ...
اوصلتها سلمى إلى هناك 
سلمى انا هنتظرك هنا فى الكافيه دا واول ما تخلصى رنى عليا ..علشان نروح سوا 
غرام تمام ..وتركتها وذهبت إلى المؤسسه 
حيث كان اسد فى انتظارها 
وما أن رأته استغربت هيأته وشموخه التى تعودت عليه فكان يبدو عليه الانكسار ..
بعد أن ألقت التحيه عليه 
اسد بطريقه رسميه اتفضلى العقود 
وأخرج حقيبه بها الأموال 
ودا نصيبك اللى اتفقنا عليه ..
قامت غرام بالتوقيع على العقود وأخذت حقيبه الاموال وكادت أن تغادر 
ليستوقفها صوت اسد 
اسد غراااام ......يتبع