لعڼة كاميليا الجزء الثاني

بدأت اسمع صوت خطوات وكان صوتها عالي وواضح وسمعت مقبض باب الحمام بيتفتح براحة وصوت باب الحمام بيتفتح طبعا انا معنديش الجراءة اروح اشوف مين مش عارفة ايه العفريت الي جاي يستحمي عندي ده بهدوء نديت علي عمار لكن ولا هو هنا عمااار قوم عمار في عفريت في الحمام اللهي ربنا يكرمك اصحي .
بس برده مافيش اي استجابة لا واتقلب وودي وشه الناحية التانية مش عارفة اعمل ايه قولت مبدهاش هقوم اشوف في ايه وفعلا قومت براحة وروحت ناحية الطرقة الي بتودي علي الحمام وطلعت راسي ابص لقيت باب الحمام موارب ونور الحمام مقفول والدنيا ضلمة لسة هقول وانا مالي وهرجع لقيت باب الحمام بدأ يتفتح قدامي براحة لغاية ما تفتح كله وشوفت عينين بتنور واقفة جوا الحمام في الضلمة وسمعت ضحكة عالية لوهلة حسيتها هزت المكان كله مستنش وجريت بسرعة علي عمار وفضلت اصحي فيه  عمار قوووم عمار عماااار .
فاق مڤزوع وقال ايه في ايه عفريت 
قولتله اه بالظبط كدة وهو في الحمام .
ضحك وافتكرني بهزر وقالي يابنتي انتي ما صدقتي سيبيني اكمل نومي بقي ولسة هينام تاني سمعت صوت الماية اشتغل تاني واصوات همس كتير بصيتله لقيته بصصلي ومتنح وقالي انتي سامعة الي انا سامعة !
قولتله صدقتني بقي امال انا بقول ايه من الصبح .
لقيته بسرعة خدت موبيل وبص فيه وحطه في جيبه هو والمحفظة وقالي انتي شكلك بقيتي تمام واكيد الي جوا مش حرامي مافيش حرامي بيدخل الحمام يعني فهاتي حاجاتك بسرعة ومتنسيش النوت الي فيها الترجمة ويلا هنمشي من هنا . لسة هتكلم قالي يلاااا مش عاوز كلام بسرعة .
سمعت كلامه وروحت لشنطتي لقيت فيها كل حاجة لاني معظم الوقت نايمة مفتحتش حاجة وهدومي كانت عادية اخرج بيها عادي قولتله انا جاهزة يلا وكل ده والصوت لسة شغال وبيزيد خرجنا من الاوضة وقفلنا الباب لقينا انوار الطرقة بدأت ترتعش والاصوات بقت من كل حتة حوالينا عمار مسك ايدي بسرعة وفضل يجري بيا بصيت ورايا واحنا بنجري لقيت ان الارض بدأت تتشقق ويظهر من تحتها ڼار واصوات صرخات سمعاها وايادي مولعة بتطلع منها وصلنا الاسانسير وفضل يطلبه وانا عمالة ابص ورايا وشايفة الشقوق والأيادي بدأت تزيد وتقرب وخلاص كانت هتصولنا لقيت عمار شدني جوا الاسانسير وطلب اللوبي بسرعة
والباب اتقفل..
حمدت ربنا وخدت نفسي بس كنت قلقانة يحصل حاجة في الاسانسير بس محصلش ووصلنا اللوبي اول ما الباب اتفتح لقيت الكائن الاسود في وشي روحت مصرخة وقربت من عمار بسرعة وقولتله اهرب اهرب هيقتلك بسرعة . لقيت صوت حد غريب بيقول في حاجة يا انسة هو ايه الي هيقتلك هو انا اعرفك ولا اعرفه اساسا 
بصيت علي الرجل لقيته بني ادم عادي وانا الي كنت بتخيل بعدت عن عمار وابتسمت ابتسامة سمجة اووه اسفة شوفتك حد تاني سوري .
وجريت من جنبهم خرجت برا الفندق .
وقفت استني عمار طلع بعد شوية صغيرين وقالي معلشي اتأخرت كنت بعمل تشيك اوت يلا اركبي العربية .
استغربت وبصيت للعربية لقيتها عربية كيا حمرا قولتله بتاعة مين العربية ديه 
رد قالي بتاعتي مالك في ايه 
قولتله عربيتك مكنش ده لونها ده غير انها وقعت في البحر
ابتسم وهو بيركب فركبت انا كمان وكمل كلامه ديه عربيتي التانية خليت قريب ليا يجيبهالي .
وبدأ يتحرك مكنتش عارفة رايحين علي فين فسألته فرد عليا وقالي بصي انا لسة مش عارف بس نروح نفطر الاول وبعدين نخطط هنعمل ايه .
وفعلا روحنا مطعم بس غير بتاع امبارح وطلب اكل وكنت جعانة جدا الصراحة فكلت وبعد ماخلصنا طلب عصير بس انا مشربتش تقريبا جالي فوبيا من العصير لقيته لاحظ فساب العصير بتاعه وبدأ يتكلم اولا اشربي العصير عادي مش هيجري حاجة مټخافيش ثانيا بقي نكلم في المهم دلوقتي احنا عرفنا القصة وعرفنا انك بدخولك للساحة وانك انتي العذراء وبلمسك للنقوش والكلام الي في الكهف حررتي اللعڼة تاني مظبوط كدة 
هزيت براسه بمعني اه فكمل وان علشان كريم كان معاكي في الوقت ده ماټ واټقتل زي ما قولتي صح 
هزيت راسي تاني وقولت تمام
كمل وعرفنا ان الي الي انتي حررتيه ده هو الساحر بس طبعا بقي عبارة عن مسخ ومن قوة التعاويذ لازم يتغذي علي حاجة علشان يقدر ينبعث تاني ويبقي اقوي من الاول وهنا يجي دورك ودور لعنتك ان انتي كل ما ټموتي وكل ما پتتألمي وپتتوجعي ده بيقويه زيادة وهيفضل كدة لغاية ما الحلقة بتاعة الڼار تكمل حلو بس الي مش فاهمه حلقة ڼار ايه قولتله بسرعة مش لما روحنا تاني للكهف انا وانت كان في حلقة ڼار حوالين التابوت وكان في كمان خط بارز في الارض بعدها بشوية فهي ديه تقريبا مفروض حلقة الڼار بتكبر بتكبر لغاية ما توصل للخط البارز ده ومن هنا هتبدأ مراسم انبعاث الساحر حتي لو لاحظت لما اتحرقت من الڼار او الحمم الي كانت في حلقة الڼار لقيناها بتكبر شوية علشان ايه علشان انا اتألمت ساعتها .
رد وكمل فعلا هو انا ملاحظتش ده بس فعلا كلامك منطقي وصح فاحنا مفروض نعرف ازاي هنكسر اللعڼة ونحبس الشړ تاني قبل ما الحلقة تكمل علشان لو كملت هيبقي مش ناقص غير موتك الحقيقي وبدمك هينتهي كل حاجة والبوابة الي عاوز يفتحها هتتفتح والعالم ھيتدمر بس ثواني بعيدا عن الموضوع انتي فعلا عندك شفافية وبتشوفي حاجات وكدة 
قولتله مش عارفة الصراحة بس وانا صغيرة فعلا كنت بشوف خيالات واكلم مع ناس بس بعد كدة اكتشف ان الي كلمتهم دول مش موجدين اساسا وساعات كتير كنت بكلم ناس مېتة مكنتش ببقي عارفة لاني بعرف انهم ماتوا بعد ما اكون اكلمت معاهم يعني مثلا في مرة كنت عند جدتي نايمة عادي بليل لقيت حد بيهزني جامد فصحيت لقيت جدتي واقفة قدامي كان شكلها يرعب شعرها كان منكوش وعرقانة وعمالة تنهج و بالعافية قالتلي جملة واحدة خليهم يدخلوا عليا الاوضة قولتلها مين يا تيتا مش فاهمة بصيتلي تاني بصة مرعبة وخرجت روحت انا جريت لماما وبابا كان لسة عايش وصحيتهم وقولتلهم تيتا جاتلي وبتقولي خليهم يدخلوا عليا الاوضة قوموا شوفوا عاوزة ايه انا خاېفة منها كان شكلها مرعب اوي قاموا فعلا ودخلوا ولما دخلت وراهم لقيت ماما بټعيط وبابا كذلك وشدوا الغطاء علي وشها وانا كنت صغيرة مش فاهمة بس كنت متأكدة ولغاية دلوقتي ان تيتا كانت واقفة عند الشباك وبتبص علينا وقولتلهم بسذاجة طفلة تيتا واقفة هناك اهي امال مين الي انتوا غطيتوها ديه مركزوش معايا وماما خرجتني بسرعة من الأوضة وبعدها لما جيه الدكتور ووو قالوا ان تيتا لما دخلوا عليها كانت مېتة قبلها بأربع ساعات يعني كانت مېتة قبل ما تجيلي اساسا طبعا انا مكنتش واعية لحاجة وهما برده مركزوش وقالوا اني كنت بحلم
بس وحاجات كتير بس كنت بتنساها