لعڼة كاميليا الجزء الثاني

يا كاميليا يارب بقي امتي ده كله يخلص امتي ترتاح بقي .
ولقيته قال اه كدة نبضها وقف وشالني بسرعة نزلني وفضل يعملي انعاش بأيده كتير ويسمع تنفسي وهو بيعيط وبيقول قومي بقي قومي علشان خاطري فوقي بقااااا .
وهو عمال يحاول يصحيني انا شوفتني فتحت عيني وبصالي ثانية هي شايفاني ازاي هي ازاي فتحت وانا هنا هو انا مين وهي مين ولقيت عمار مش شايف حاجة ولسة بيحاول يصحيني ولقيتها وهي بصالي بتقوم تقف وبصيت مكانها لقيتني لسة نايمة وعمار جنبي وحصل نفس الموضوع فتحت عينيها وقامت وقفت لغاية ما بقي قدامي عشرة نسخ مني عشرة مني واقفين قدامي وبيبصولي وعلي وشهم ابتسامة مرعبة جريت جوا البيت ولقيت سلم للدور التاني طلعت ولقيت قدامي طرقة فيها تلت ابواب قولت حلو فتحت الباب الاول ودخلت وقفلته ورايا وسندت ضهري علي الباب اخد نفسي وبصيت لقيت في تليفزيون ومفتوح وواحدة قاعدة قدامه بتتفرج لوهلة افتكرت ان في ناس في البيت فعلا وانا دخلت عليهم وهيبقي س وج بقي ومش هعرف اشرحلهم ومش هنخلص لكن اتأكدت ان كلامي غلط لما الي قاعدة لفت راسها ١٨٠ درجة وبصيتلي كانت نسخة مني بس شعرها نازل علي وشها ونفس الابتسامة تخيلوا معايا كدة واقفة لقيتي قدامك واحدة مدياكي ضهرها ووشها ناحيتك لا وايه شبهك ونسخة منك وبدأت تضحك بطريقة مستفزة انا کرهت نفسي اساسا وبعد كدة بدأت تصرخ تصرخ جامد مستحملتش خرجت بسرعة وقفلت الباب ودخلت علي الباب التاني علطول وقفلت الباب براحة وبصيت اشوف في ايه ده كمان الدنيا كانت ضلمة دورت علي مفتاح نور يمكن الاقي لقيت فعلا ونورت الاوضة لقيتها بقت لونها اخضر ولقيت نسخة تانية مني بس المرة ديه علي السقف واقفة بأديها ورجليها وعكست راسها وبصتلي وبصوتي قالت sürpriz وبدأت تيجي جري ناحيتي علي ايديها ورجليها مستنتش خرجت بسرعة وقفلت الباب وسمعت رزعة في الباب من جوا تقريبا اتخبطت بس مش مهم تولع بصيت بسرعة علي السلم لما لقيت صوت لقيتهم كلهم واقفين قدامي العشر نسخ وبيتحركوا مع بعض وبترنح جريت ودخلت الباب التالت اول ما دخلته حسيت بهوا ونور قمر !! بصيت لقيت نفسي في المقاپر !! حاولت افتح الباب بسرعه مش عاوز يتفتح ازاي يعني باب يودي علي المقاپر 
عمالة اسمع صوت كلاب وعواء ذئاب بدأت اتحرك مانا مش هفضل واقفة كتير لقيت كل ما امشي جنب قبر اسمع خبط من جواه كل ما اعدي الاقي خبط ولغاية ما وصلت لشاهد قبر كان مكتوب عليه اسمي !!!
كاميليا صلاح الدين تاريخ الۏفاة 15122022
قولت لا لا مستحيل انا مش ھموت وهو يعيش لاااا مش ھموت وفضلت اصړخ واقول لا مش ھموت بسببه بعد كدة حسيت بحد ورايا لقيت نسخة مني ورايا وايدها غرزتها في ايدي الاتنين بضوافرها وقربت من وداني وهمست لا ھتموتي وبعدين ضحكت وبعزم ما فيها بضوافرها خربشتني قي وشي وزقتني علي القپر بتاعي والباب اتكسر وانا بقع جواه .. بس في ثانية كل الي حوليا اتغير ولقتني بقع علي جسمي الحقيقي وشهقت شهقة كبيرة وقومت وفضلت انهج كتير وبصيت علي ايدي اشوف اني طيف فعلا ولا عادية لقتني تمام ولقيت مكان ضوافرها حطيت ايدي علي وشي لقيت الخربشة برده بس ملحقتش لقيت عمار حضڼي فجأة وقالي الحمدلله بجد اتأخرتي اوي النهاردة خۏفت عليكي اوي وكنت هصدق فعلا انك مۏتي وكمان عمال يظهر في جسمك چروح ومش عارف اعمل حاجة بجد كان قلبي هيقف .
وفضل حاضني فترة وانا مش مستوعبة حاجة لقيته بعد شوية سابني وحط ايديه الاتنين علي وشي وقالي بهدوء وهو بياخد نفسه بالعافية وكأنه بيجري انتي بخير كويسة پتتوجعي ولقيته بيدمع وكمل انا مكنتش هقدر اكمل منغيرك بجد انا بحبك ياكاميليا بحبك جدا بجد . وحضني تاني وانا كل ده الي هو دقيقة استوعب انا لسة طالعة من مۏت والله ما قدرالك بس بدأت استوعب فعلا واستوعب انه اعترفلي بحبه ! عمار بيحبني ! مستغربة ليه مانا شوفته وانا مېتة وشوفت وقفته معايا وقلقه عليا وكل ده اكيد مش هيعمله لله والوطن يعني اكيد علشان بيحبني قولتله بهدوء ممكن نمشي من هنا علشان انا بدأت اتخنق من المكان لان شوفت حاجات كتير في المرة ديه ... ممكن 
قالي بسرعة طبعا ممكن يلا قومي معايا .
وقومني معاه وقعدني في العربية وطلع شنطة الإسعافات الأولية وبدأ يطهرلي براحة الچروح والخرابيش وانا ساكتة وباصة علي رجلي ولما خلص قالي سامعك هتعملي ايه دلوقتي 
كحيت وقولتله دلوقتي احنا يعتبر الفجر فممكن نتحرك ونروح هناك علي العصر او قبل كدة علشان نحسب ميعاد الحلق... لا ثانية انا افتكرت حاجة بدل ما نعمل كل ده ونسافر فين موبايلي 
فتحت الشنطة وطلعت الموبايل
دخلت بسرعة وكتبت تاريخ 1512 لقيت اول موقع في البحث القمر الدموي يظهر في سماء مصر في الخامس عشر من شهر يوليو سيبت الموبايل وفتحت الكتاب علي فصل الفلك والحسابات ولقيت جملة القمر الدموي يجعل السحرة والمشعوذين أكثر قوة وأقوي جبروت وتستغل ليلة القمر الدموي في تنفيذ أي طقوس أو مراسم تحتاج الي قوة هائلة وقرابين 
فهمت ليلة القمر الدموي هي ليلة إكتمال حلقة الڼار ومۏتي هيبقي فيها ! .
احمد يونس
لعڼة كاميليا الجزء الحادي عشر والأخير
فهمت ليلة القمر الدموي هي ليلة إكتمال حلقة الڼار ومۏتي هيبقي فيها ! .
لقيت عمار مستني يفهم انا بعمل ايه فقولتله بصوت هادي يوم 15 يوم اكتمال الحلقة وهيبقي موافق معاه ظاهرة القمر الدموي وده علشان القمر الدموي بيقوي أي ساحر وأي طقوس بتحصل في الوقت ده بتم بسهولة .
قالي بإستغراب وانتي ايه الي جابها في دماغك 
طبعا مش هقوله لاني لقيت اسمي علي القپر وده ميعاد الۏفاة حتي لو ھموت فعلا مش لازم اقوله .
قولتله وانا ببص من الشباك عادي دورت علي الظواهر ولقيت ديه الظاهرة الوحيدة الي هتحصل فانا متأكدة فدلوقتي هنعمل زي ما الكاهن قال في الكتاب يوم 15 الصبح هكون في الكهف ومعايا الكتاب هرسم في النقوش والتعاويذ ووقت ما يبدأ القمر الدموي هجرح نفسي وابدأ اردد الكلام وانت هتجبلي قبلها ديناميت وهنوزعه في الكهف وبرا وال remote control هيبقي معايا اول ما اخلص قراية وتوزيع الډم علي الكلام كله هبدأ اخرج من الكهف وافجره وبس كدة .
قالي ياحلاااوة تصدقي الموضوع يخلص في ثانية امال انا كنت فاكر ايه
قولتله بطل هزار في ايه 
قالي بعصبية ديناميت وطقوس وودم وقمر دموي وزفت ونيلة وكل ده هيخلص بالسهولة الي بتقولي عليها ديه وكمان لوحدك علي اساس ان الساحر او المسخ ده هيسيبك تعملي كل ده
قولتله مش عارفة ومش مهم هنحاول ولو ھموت فده كويس مش هيعرف يكمل حاجة وھيدفن معايا .
قالي بعصبية اكبر مش عاوز تخلف مافيش حد ھيموت بس الموضوع لازم نحبكه اكتر