زواج بالاجبار

مصدقش انك ممكن تكون اذيته او اذيت اي حد يا سليم
سليم بحزن..اهو انا عمري ما أذيت حد بس اذيت حاتم اذيت اخويا الوحيد تصدقي دي
هنا...ازاي
سليم اتنهد وقال الحكايه بدأت من اكتر من سنتين كان حاتم ساعتها انسان تاني بحب الحياه والناس مكانش يبطل ضحك عمره ما أذى نمله كان بيحبني جدا وقبل ما اطلب اي حاجه يعملها وكان طيب لدرجه كنت انا بنسبالو ابليس وكنا اناوامي بنخاف عليه من كتر طيبة قلبو وفعلا الي خفنا منو حصل اتعرف على بنت محجبه لبسها محتشم ومؤدبه لابعد الحدود التزامها وحجابها ولبسها المقفول عكس كتير بنات بيشوفهم خلاه اعجب بيها وشويه شويه حبها والحب اتحول لجنون كان بېخاف عليها كان بېموت فيها وبيغير عليها من الهوا اتطورت علاقتهم بقا ميقدرش يستغنى عنها كان يحكيلي انو حاسس انو لو بعدت عنو ېموت وخطبها وعملو حفله محصلتش وحددو معاد الجواز بس اتهدت كل احلامو لما طلعت كدابه وكل الالتزام والادب قناع علشان توقعو وهمها الفلوس وبس سليم دموعو نزلت وكمل پألم..بس للأسف هو مكشفش حقيقتها بطريقه سهله اتكشفت قدامو بأبشع طريقه اتدمر كلمت اتدمر قليله اوي جاتلو صډمه الدكتور قال ان قلبو كان هيقف منها انهار بعدها وفقد الثقه في الكل ومن يومها وهو زي ماانتي شايفه كده 
هنا دموعها كانت نازله ومبتقفش رغم كل الي عملو بس صعب عليها قوي قالت پألم..علشان كده قلي بكره المحجبات ودايما حاسس اني بضحك عليه علشان كده كاره لبسي معقوله فيه حد يأذي حد بالشكل ده معقوله واحده تلاقي حد يحبها الحب ده كلو وتعمل فيه كده بس انا بردو مش فاهمه انت بقى ذمبك ايه
سليم دمعو نزلت پألم وحسره وقال اانا الذمب كلو ...انا ..انا وبكي بحرقه 
هنا برقت پصدمه وبقت مش قادره تتكلم اصلا قالت..انت ..انت بتقول ايه..هامش فاهمه..يعني..يعني انت الي..اه ازايي بلعت ريقها وقالت لا ..لالا متعملهاش .انا انا متأكده انت مستحيل تعمل كده انت بتقول كده علشان اكرهك انا متأكده لا مستحيل
سليم بحسره..للاسف ده الي حصل بس والله العظيم مكنت اعرف والله ما اعرف انها هيه نفسي في فرصه بس يسمعني نفسي بس اعرف بيفكر حتي في ايه انا المۏت اهون عندي من انو يكون فاكر اني قصدت اعمل فيه كده وبكى پألم شديد
هنا قعدت وحاولت تهدى علشان تفهم قالت..اهدى ياسليم وفهمني ازاي خطيبة اخوك وكنت معاها زي ما بتقول وانت متعرفهاش تيجي ازاي دي
سليم حاول يهدى وقال..انا لما حاتم اتعرف عليها كنت مسافر بدرس وكانت عجباني الحياه بره اوي ومكنتش بنزل حتى اجازات وقتها فضلت سنتين مجتش فيهم ولا مره بس لما قلي انو هيعمل حفلة خطوبه حاولت انزل اجازه بس كانت فترة اختبارات ومقدرتش انزل ف حاتم قلي يأجل الخطوبه بس انا اصريت عليه يعملها في معادها لاني عارف انو مستعجل جدا وفعلا عمل خطوبتو من غير ما اشوفها ولا مره ومع انو كان غيور جدا عليها ومبيحبش يصورها لاكن اتصور معاها وبعتلي الصور علشان يفرحني كانت محجبه وشبه مش حاطه ميكب لبسها طويل ومقفول مركذتش في ملامحها وبعد الخطوبه بشهرين نزلت اعمل لهم مفاجأه من غير ما اقول لحاتم او لماما بس اول ما وصلت ملقتش حد في القصر اتصلت على حاتم قلي انو مسافر يومين شغل وودى مااما عند اختها في اسكندريه علشان متقعدش لوحدها قلتلو اني جيت فقلي خليك مكانك