من العالم الاخر

قبل ما ابدا و احكي عايزة اقول حاجة لاي حد هيقرأ حكايتي خلي بالكم من اي حاجة مش طبيعية بتحصل معاكم يعني اي حاجة غريبة عن الكون او من ما وراء الطبيعة تكون بتحصل معاكم ما تستهونوش بالموضوع ورا اي حاجة غريبة بتحصل سر لازم تعرفه قبل يفوت الاوان هدخل في الموضوع وهاحكي اللي حصل معايا امي ندهت عليا وقعدت معايا وهي بتبص ليا وبتبتسم وقالت المرة دي ابن ناس ومحترم ومعاه وظيفة حلوة وكامل من كل حاجة اظن بعد كده مفيش كلام و لا حجج فاضية ضحكت لامي وقولتلها مش فاهمة بردوا ! يعني انتي عايزة ايه ! ردت وقالت باستغراب يعني انتي مش فاهمة يا بت ! قولت لامي لا مش فاهمة ! امي ردت وقالت جايلك عريس كلم ابوكي واتفق يجي في يوم محدد قولت لامي تاني يا امي امي ردت پغضب وقالت تاني وتالت وعاشر ايه في ايه ! مش عايزة تجوزي ولا ايه ! رديت وقولت لا مش القصد يا امي بس انا كل ما يجي عريس مش بحس بحاجة ناحيته وبحس اني مش عايزاه ! امي ردت وقالت ماهو دا اللي انا خاېفة منه بس انا حاسة المرة دي خير سألت امي وقولتلها هو العريس جاي امتي امي ردت وقالت ابوكي قلوا علي يوم الخميس كنا يوم التلات يعني العريس جاي بعد بكره دخلت عشان انام عشان كنت مرهقة جدا من شغل البيت مع امي نمت علي السرير وحطيت راسي علي المخدة ورحت في النوم شوفته واقف وبيبص ناحيتي وبيبتسم شاب ملامحوا وسيمة جدا وجسمه عريض وحلو يعني من الاخر جذاب للجنس الاخر ابتسمت ليه نفس الابتسامة لقيته قرب عليا ومد ايده كان فيها وردة جميلة مديت ايدي للوردة عشان اخدها لكن الوردة اتحولت لڼار وولعت في الشخص اللي قدامي وفي المكان صړخت وقومت من النوم وانا بنهج وباستعيذ بالله من الشيطان الرجيم الحلم دا مش اول مرة اشوفوا دي كانت تالت مرة اشوف نفس الحلم مبقتش عارفة دا حلم عادى ولا كابوس شيطاني ! اللي عاجبني فيه الشاب الوسيم اللي بشوفوا لكن المفزع في اللي بيحصل بعد ما اشوفه دايما يشوف ڼار بتجري ورايا يشوف الڼار بتمسك في هو بعد تفكير عميق في الحلم او الکابوس دا سمعت امي بتنده عليا من بره وبتقول كفاية نوم بقي يا ندى امي قعدت تنده عليا ما سكتتش غير لما رديت وقولتلها ايوه صحيت يا امي وجاية قومت وخرجت لامي اول ما شافتني قالت انتي مش هتروحي الصيدلية النهاردة عشان عايزاكي فهمت امي هنضف عشان العريس اللي جاي وبالمناسبة انا دكتورة صيدلة المهم اتهد حيلنا انا وامي اليوم كله في البيت ابويا جه بالليل وقال خلاص العريس جاي بكره الخميس قولت لابويا بهزار عارفين امال احنا اتهد حيلنا ليه النهاردة امي ضحكت علي كلامي بصيت لامي وكملت وقولت علي الله يجي بفايدة ميمشيش نفس اللي مشوا قبله امي قالت يا بت بلاش كلامك دا ان شاء الله هيعجبك رديت وقولت لامي انا قولتلك لو عجبني تمام لو معجبنيش يبقي ميلزمنيش ضحكنا واتعشينا ورحت عشان انام من هدت الحيل دخلت الاوضة بتعتي ورحت علي السرير وحطيت راسي علي المخدة عشان انام غمضت عيني وقبل ما انام سمعت في وداني صوت بيقول اياكي توافقي الصوت كان مجرد همس متردد في وداني انا مكنتش لسه نمت يعني مش كابوس لا دا انا كنت صاحية حاولت انام الليلة دي بالعافية بعد اللي حصل المهم جه يوم العريس يوم الخميس بالليل جه العريس و معاه عيلته انا كنت جوا في المطبخ بس كنت سامعة صوتهم لكن ابويا نده ليا و خرجت بالقهوة من المطبخ ورحت ناحيتهم لما رفعت راسي لفوق وعنيا شافت العريس الصينية اللي فيها القهوة وقعت من ايدي وكنت في حالة من الصدمة !! العريس كان الشخص اللي بشوفه في الحلم 

من_العالم_الاخر
اسلام_احمد
الجزء الثاني
ابويا نده عليا خرجت من المطبخ وفي ايدي صينية القهوة  
لما وصلت ليهم بصنية القهوة وبصيت للعريس الصينية وقعت من ايدي من الصدمة !!  
قولت لنفسي معقولة اللي انا شايفاه دا !  
العريس طلع الشخص اللي بشوفه في الحلم ابويا وامي والعريس واهله وقفوا علي حيلهم وهما مستغربين لما الصينية وقعت مني ام العريس اتكلمت وقالت مالك يا بنتي في ايه !! وامي قالت مالك يا ندي وابويا سأل نفس السؤال انا بقي مردتش علي اي حد فيهم لكن كنت باصة باندهاش وصدمة ناحية الشخص اللي بشوفه في الحلم اللي هو العريس اللي جاي يتقدملي ! دا ازاي يعني !! كنت باصة ناحيته و عقلي عاجز عن التفكير كنت بسأل نفسي وبقول هو انا لسه نايمة ! كلهم واقفين في صمت وبيبصوا لبعض حتي ابويا وامي ابويا اتكلم بابتسامة وقال دلق القهوة خير يا جماعة في اللحظة دي حصلت ذبذبة في النور و الكهربا بتاعت البيت كلنا بصينا علي الاضاءة بتاعت النور باستغراب لسه ابويا اتفضلوا اقعدوا الكهربا قطعت خالص العريس واهله استئذنوا وقالوا انهم هيجوا وقت تاني بسبب ان الوقت مبقاش مناسب الغريب ان بعد ما العريس واهله مشيوا الكهربا جت علي طول ! امي قربت مني وقالت ايه اللي حصل يا ندي ! الصينية والقهوة وقعت منك ليه لما شوفتي العريس واهله ! يا بنتي انا عايزة اطمن عليكي زي اخواتك في اللحظة دي حسيت بدوخة جامدة وحاسة ان كل حاجة حواليا بتلف استئذنت امي و دخلت الاوضة بتعتي من شدة مانا مش قادرة اقف وفي حالة لا وعي نمت باللبس اللي كنت لابساه وياريتني مانمت شوفت نفسي انا والشخص الوسيم دا في الفرح بتاعنا وهو لابس البدلة وانا كنت لابسة الفستان كنا بنرقص ومبسوطين الشخص كان باصص ليا وبيبتسم فجاة لقيته بيبعد عني و في حاجة بتسحبوا لورا ولقيت في دخانة كتير حواليا كانت خارجة من الفستان اللي انا لابساه لما بصيت لقيت الفستان بتاعي الڼار مسكت فيه وپيتحرق من تحت فضلت اصړخ و استنجد محدش كان سامعني لا حياة لمن تنادي فجاة قومت من النوم من الکابوس اللي كان هيبقي السبب في مۏتي بس اللي كان مستنيني لما اقوم كان يخليني اقول يا ريتني ما قومت اللي شوفته كان مفزع .. 
من_العالم_الاخر
اسلام_احمد
الجزء الثالث
قومت من النوم من الکابوس اللي كان هيبقي السبب في مۏتي بس اللي كان مستنيني لما اقوم كان يخليني اقول يا ريتني ما قومت اللي شوفته كان مفزع ډم في كل مكان علي السرير اللي نايمة عليه الصدمة ان الډم كان خارج مني كان بينزل بكثرة لدرجة ان الډم ابتدأ ينزل علي الارض صړخت بصوت عالي وانا بفقد الوعي من اللي انا شايفاه لما فوقت كانت امي واخواتي اللي اكبر