من العالم الاخر

مني قاعدين حواليا اول ما فوقت اختي اتكلمت وقالت الف سلامة علي الدكتورة بتاعتنا الجميلة و اختي اللي اصغر من الكبيرة قالت ايه العريس معجبش بردوا زي كل مرة انا كنت في صدمة و دوخة قولتلهم في ايه ! وايه اللي حصل امي ردت وقالت انتي اللي مالك ! لما دخلت اصحيكي عشان تقومي تسلمي علي اخواتك لقيتك پتصرخي و لما فتحت الباب و دخلت لقيتك مش بتنطقي الدكتور كشف عليكي وقال انك كويسة قولت لامي هو ابويا لسه مجاش امي ردت وقالت لا لسه مجاش بس انا كنت عايز اقولك علي حاجة كده بصيت لامي وقولت ايه ! امي ردت وقالت العريس وابوه مستنين الموافقة ويا بنتي دا عريس ميترفضش ! ابن ناس ومحترم و مهندس قد الدنيا وبصراحة كل شوية يكلم ابوكي امي خلصت كلام وسكت وهي بتبص ناحيتي ومستنية الرد انا بقي كنت ساكتة تماما ومش عارفة اقول ايه ! ما هو اللي بيحصل معايا مش طبيعي بردوا اتكلمت وقولت لامي انا بعد العرسان الكتير اللي رفضتها كنت حاسة بيكي وابويا لانكم كنت عايزين تفرحوا بيا وفي نفس الوقت مش عايزين تجبروني علي حاجة مش عايزاها و رغم اني كنت بحس بزعل ابويا اكتر لانوا كان بيتعب مع الزعل و من اخر عريس رفضته قولت اي عريس هيتقدملي هأقبله مهما كان عشان ارضيكم ومزعلش ابويا تاني لكن العريس دا بالذات انا برفضه ومش برفضه عشان مش عايزاه لا بالعكس هو عاجبني جدا وميترفضش انا برفضه لاني خاېفة ومش هقدر اتجوز واحد انا شوفته في الحلم قبل ما اشوفوا ! امي واخواتي استغربوا من الجملة الاخيرة وبصوا لبعض اني اتكلمت وقالت شوفتيه في الحلم قبل ما تشوفيه في الحقيقة ! هزيت راسي وانا بقول ايوه والله زي ما بقولكم كده انا كل يوم كنت بشوفوا في الحلم من قبل ما اشوفوا فاكرة يا امي ساعت ما صينية القهوة وقعت من ايدي لما شوفت العريس دي كانت صدمتي اني شوفته في الحقيقة اخواتي الاندهاش زاد عندهم و اختي اللي اكبر مني شوية قالت بهزار يعني العريس دا طلع هو حلم حياتك في الاخر كلهم ضحكوا علي الجملة دي الا انا وفي وسط وهما بيضحكوا قولتلهم انا بتكلم بجد وقفوا ضحك وسكتوا امي اتكلمت وقالت يا بنتي يمكن يكون اختيار ربنا ليكي و دي اشارة منوا انك تشوفيه في الحلم قبل ما الحقيقة اني كانت متعلمة وفاهمة وبصراحة ابتديت اقتنع بكلامها خصوصا لما اخواتي صدقوا علي كلام امي وانا بصراحة العريس دعاية اوافق عليه مش عشان امي وابويا بس لا عشان بصراحة هو دا العريس الوحيد اللي عاجبني امي واخواتي لما عرفوا اني خلاص وافقت قاموا يزغرطوا ويطبلوا لما جع ابويا رحتله وقولتله اني موافقة فرح جدا وقال الف مبرووك يا حبيبتي اول مرة اشوف ابويا بيبكي ودا اللي خلاني انا كمان ابكي واقوله طب حضرتك پتبكي ليه ابويا بص ليه وهو بيمسح دموعه بيضحك وبيقول دي دموع الفرح امي واخواني كانوا واقفين وشايفين المشهد المبكي دا عشان كده امي كمان كانت پتبكي في اللحظة دي حصلت نفس الذبذبة في البيت وكل اللمب من شدة الذبذبة فرقعوا وبقينا كلنا واقفين في الضلمة و فجاة شميت ريحة دخان يتبع 
من_العالم_الاخر
اسلام_احمد
الجزء الرابع
في اللحظة كل لمب البيت حصل فيها ذبذبة  
من شدة الذبذبة اللمب فرفعت وبقينا واقفين وسط الضلمة  
فجاة شميت ريحة دخان ابويا اتكلم وقال ايه ريحة الدخان دي !  
الجو بدأ يسخن شوية بشوية و كأننا داخلين فرن  
فجأة و وسط الضلمة سمعت صوت صړاخ  
كان صوت امي ابويا بسرعة نور الكشاف بتاع البيت  
شوفنا امي واقعة علي الارض وپتبكي بصوت عالي و بتبص علي ايدها بسرعة كلنا جرينا ناحية امي  
و لما بصيت ناحية ايد امي اڼصدمت من اللي شوفته كان فيها حړق لسه جديد !  
اختي الكبيرة اتكلمت وقالت ايه يا امي الحړق ده !! ابويا قالها انتي اتحرقتي في ايه !  
امى وهي پتبكي ردت وقالت معرفش معرفش انا كنت واقفة عادي في الضلمة  
فجأة لقيت حاجة ساخنة اوي اتحطت علي ايدي خلتني صړخت  
الحړق اللي في ايد امي مكانش حړق عادي لا  
الحړق كان مكتوب كتابة لما بصيت شوية في الحړق وقريته طلع معايا كلمة باسيليا  
ابويا بص للأسم شوية وبعدين قال لا هتلاقي الموضوع صدفة يعني  
اختي الكبيرة قالت امال الحړق دا حصل ازاي يا ابويا ابويا رد وقال عادي ممكن تكون آمك تكون ايدها لمست حاجة ساخنة وسط الضلمة  
يمكن اخواتي اقتنعوا بكلام ابويا شوية  
لكن انا لا مكنتش قادرة اقتنع من اللي بيحصل معايا مش قادرة اقتنع ان كل ده صدفة  
خصوصا الاسم اللي معمول علي شكل حړق باسيليا كنت باصة ناحية الكلمة و مركزة ليها اوي ابويا نزل جاب لمب مكان اللي فرقعت و ركبها مع مساعدتنا ليه 
حكاية الذبذبة التانية دي غريبة ! خصوصا لما ابويا سأل البيوت اللي حوالينا وطلع انها محصلش فيها اي ذبذبة ولا اي حاجة في الكهربا !  
ابويا تاني يوم جاب كهربائي و لما كشف علي كل حاجة في البيت لقي كل حاجة طبيعية ومفيش اي حاجة تسبب ذبذبة  
المهم العريس جه عندنا تاني وقرينا الفاتحة العريس كام بيبص ناحيتي وبيبتسم ليا نفس الابتسامة اللي كان بيبتسمها ليا في الحلم بالظبط  
كنا مبسوطين و حددنا معاد الفرح و انتهت الليلة علي خير الحمدلله بعد سهر مع اخواتي وحكاوي دخلت اوضتي عشان انام لكن لما دخلت باب الاوضة قفل و كانت المفاجأة من اللي شوفته منتظرني يتبع 
من_العالم_ألاخر
اسلام_احمد
الجزء الخامس
دخلت أوضتي وانا فرحانة و مبسوطة لكن اللي شوفته كان قادر يوقفني مكاني في صدمة واندهاش ! شوفت قطة سودة قاعدة علي السرير بتاعي وبتبص ناحيتي بعنيها اللي زي ما يكون جواها ڼار رجعت لورا بضهري ناحية الباب وانا باصة ناحيتها پخوف وفزع الباب اتقفل من ورايا جامد بصيت عليه بفزع اټفزعت من اللي شوفته بعد ما الباب اتقفل الباب كان مكتوب عليه پالدم باسيليا ! عقلي في صدمة واندهاش من اللي شايفاه و من اللي بيحصل معايا النور حصل فيه ذبذبة تاني بس المرة دي كان مع الذبذبة صوت صړاخ قط مفزع كان جاي من ورايا بصيت ورايا وانا ببلع ريقي اټفزعت اكتر لما لقيت القطة السودة اللي علي السرير بينط من علي السرير ناحيتي بشكل مرعب ومخيف في اللحظة دي صړخت ومع صړختي حصلت الذبذبة في النور تاني هنا القطة السودة اختفت بس انا بقي فقدت الوعي تماما فوقت و فتحت عنيا كنت نايمة علي السرير في حاجة كانت في ايدي رفعت ايدي وانا ببص عليها عشان اعرف ايه اللي فيها اكتشف اني معلقة محلول ! انا مكنتش في