من العالم الاخر
من العالم الاخر
ما تشرب حاجة ! دي كفاية انها جاية عشانك الست بصيت لامي وقولتلها الست دي غريبة و مش طبيعية وانا اصلا معرفهاش امي قالت باستغراب متعرفهاش! امال جت ليه ! في اللحظة دي الباب خبط امي راحت تفتح الباب لما فتح طلع عماد امي قالتله عماد ازيك اتفضل ادخل عماد سلم علي امي ودخل وجه ناحيتي وقالي ها عاملة دلوقتي قولتله من غير اي تعبير في وشي ليه الحمدلله بخير بص ليا باندهاش وقال مالك في ايه ! رديت وقولتله اصل .. قولت الكلمة دي وسكت عماد رد وقال اصل ايه يا ندي في حاجة حصلت ولا ايه ! قولت لامي روحي يا امي انتي شوفي لو في حاجة في ايدك بتعمليها امي ردت وهي بتدخل المطبخ اه تصدقي الاكل علي الڼار امي دخلت المطبخ و قولت لعماد تعالي اقعد وانا هحكيلك عماد قعد وهو باصص ليا باندهاش ومستني يفهم في ايه ! اتكلمت و قولتله في واحدة ست لسه من شوية كانت عندنا الست دي انا معرفهاش ولا امي كمان تعرفها جت وقعدت معايا وفجأة لقيتها بتقولي ان جوازي منك مفهوش خير عماد استغرب شوية وبعدين ضحك وقال مين الست دي و هي تعرفني منين اصلا رديت وقولتله دى نفس اللي الأسئلة اللي انا سألتها ليها و مردتش عليا وقامت مشيت عماد قعد مستغرب شوية من الموضوع وبعدين اتكلم وقال متشغليش بالك ومتقلقيش من حاجة عماد سكت شوية وبعدين ابتسم وقال خلاص كلها يومين ونبقي مع بعض اخواتي البنات جم وقالوا يلا بقي يا عروسة عشان تجهزي لفرحك ولعريسك عماد ضحك وقال شايفة الناس اللي بتفهم ضحكت انا كمان ولقيت عماد قام وقال اقوم انا كمان عشان اجهز وبالفعل عماد ومشي وانا كمان قومت مع اخواتي جه يوم الفرح ولبست الفستان تقريبا دا اليوم كنت مستنياه بس اكون مع الشخص اللي بحبه وعماد فعلا كان الشخص دا الفرح كان في قاعة كبيرة و كان في ناس كتير عماد قام من مكانه من علي الكرسي و مسك ايدي وقال قومي تعالي قومت معاه ومسك ايدي الاتنين عشان نرقص وفي اللحظة دي قرب عليا وقال بحبك في اللحظة دي كل لمب القاعة حصلت فيها ذبذبة وفجأة الكهرباء قطعت نهائي .. يتبع
اسلام_احمد
الثاني عشر
عماد مسك ايدي الاتنين وابتدينا نرقص وقالي بحبك في اللحظة دي حصلت ذبذبة في اللمب بتاعت القاعة وفجأة الكهرباء قطعت نهائي في المكان في اللحظة دي عماد ساب ايدي مرة واحدة بعد ما كان ماسكها ندهت عليه وانا بقول بتوتر عماد ! عماد انت فين انا مش شايفة حاجة الغريب ان عماد مردش عليا ! وانا مكنتش شايفة حاجة خالص وسط الضلمة و كنت سامعة صوت الناس بتتكلم وتقول باستغراب ازاي الكهربا تقطع في قاعة كبيرة زي كده ! و في وسط كله دا شميت ريحة دخان جامدة كل الناس شمت الريحة والجو بدا يسخن في القاعة فجاة القاعة بدا يقوم فيها حريق الناس بدات تصرخ وتستنجد انا بقي كنت ببكي ومش لاقية امي ولا حتي عماد اللي كان واقف معايا الاطفاء الذاتي اشتغل في المكان وابتدا الحريق يطفي شوية والكهرباء رجعت للقاعة تاني بس لما رجعت الكهرباء والاضاءة نورت مكانش حد لسه موجود في المكان كل الناس مشيت وشوفت اخواتي البنات جايين ناحيتي وبيبكوا من اللي حصل وبيقولوا فين إمك وفين عماد ! رديت وانا في حالة من التوتر والخۏف معرفش ! الانوار بتاعت المكان كان لسه فيها ذبذبة لما قعدت ابص وا ادور علي امي وعماد في القاعة اتفجأت لما لقيته واقع علي الارض وفاقد الوعي جريت عليه وانا بقول عماد بصوت عالي قعدت افوق فيه لحد ما قام وقال وهو بيبص حواليه هو حصل ايه ! رديت وقولتله بعدين يا عماد دلوقتي نشوف امي فين في اللحظة دي لقيت امي واخواتي وابو عماد وامه جايين ناحيتنا بس حالتهم كانت صعبة زيينا و دي كانت ليلة الفرح بتاعتنا اللي اي عريس وعروسة بيتهنوا بيها ويفرحوا لكن اللي حصل في ليلتنا ميختلفش عن الحاجات الغريبة اللي بتحصلي من ساعت ما عرفت عماد انا مش بقول ان عماد وشوا وحش لا سمح الله انا بس بقول اللي حصل روحنا انا وعماد علي بيت عش الزوجية بتاعنا وحاولنا ننسي اللي حصل بعد ما دخلنا اوضة النوم عماد مسك ايدي وقال يااااه يا ندي من ساعت ما شوفتك وانا بحلم باليوم دا وفجاة عماد ضحك وقال بهزار بس مكنتش بحلم باللي حصل دا خالص ڠصب عني ضحكت من جملة عماد رغم اللي حصل وعماد من النوع الفرفوش حتي وقت الازمات و دا اللي مخليني يحبوا جدا في اللحظة دي قولت لعماد انت كل اللي عليك دلوقتي تفتحلي السستة بتاعت الفستان يا عريس وتسيبني ادخل الحمام اغير و ارجعلك عماد اتكلم وقال وهو بيفتح السستة يا سلام بس كده دا انا عنيا عماد فتحلي السستة ودخلت الحمام عشان اغير اول ما دخلت سمعت عماد بيقول من برة متتأخريش عليا يا حبيبتي عشان ېخاف اقعد لوحدي ضحكت جملته دي وابتديت اقلع الفستان و بالفعل قلعتوا ولبست الهدوم التانية ولسه هاخرج لقيت فجأة لمبة الحمام ذبذبت هنا حسيت بدقات قلبي زادت وانا ببص للمبة پخوف حسيت بكتمة نفس واني خاېفة خرجت بسرعة من الحمام ولسه هقول لعماد اتأخرت عليك لكن لقيته نايم علي السرير استغربت بصراحة حولت مرة واحدة اني اصحيه و منجحتش بصراحة انا كنت خاېفة لكن طفيت النور بسرعة و نمت جمبه قومت في الصبح لقيت عماد صاحي و حسيته زعلان لانوا بص ليا وبعدين بص بعيد دا حتي ما قاليش صباح الخير ! قربت عليه و حطيت ايدي علي كتفوا وقولتله صباح الخير يا حبيبي بص ليا مرة تانية و هو ظاهر جدا علي ملامحه الزعل وقال هو انتي ايه اللي حصلك امبارح ! يتبع
اسلام_احمد
الثالث عشر
قومت من النوم لقيت عماد صاحي بس حسيته وهو قاعد كده انوا زعلان جدا من حاجة ! لان لقيته بص ناحيتي و بعدين بص بعيد من غير ما يقولي صباح الخير ! قربت عليه وانا وبقوله بابتسامة صباح الخير يا حبيبي بص ليا و علي ملامحه لسه ظاهر الزعل الشديد وقال انتي ايه اللي حصلك امبارح ! استغربت من اللي قاله وقولتله ايه اللي حصلي ازاي يعني ! رد وقال بضيق وزعل مش عارف أسألي نفسك رديت وانا بقول باستغراب انا بجد مش عارفة انت بتتكلم عن ايه ! ومش عارفة بردوا انت زعلان ليه ! عماد رد باستهزاء وقال لا ابدا المفروض اللي انتي عملتيه امبارح ميزعلش يعني واحدة تتخانق مع عريسها ليلة الډخلة انوا ميقربلهاش دا عادي ميزعلش ! اڼصدمت جدا من اللي قاله و
