الخفاش

كل حاجة بدأت من فترة تحديدا من يوم 30 ديسمبر 2006.. وقتها كان في حاډثة عملت ضجة كبيرة الدنيا اتقلبت وبسببها مديرية الأمن كلها كانت بتدور على شاب اسمه ممدوح كامل كانوا عاوزين يوصلوا لأي خيط يدلهم عليه لكن ممدوح ماكنش سهل ممدوح كان وراه كوارث ومصايب اكبر من الحاډثة بكتير.. اقل حاجة ممكن تتقال عنه انه كان خفاش

لو عاوز تعرف اكتر عن ممدوح وعن الحاډثة وعن الكوارث اللي وراه.. 
الخفاش
الجزء_الاول 
الخفاش 
كل حاجة بدأت من فترة تحديدا من يوم 30 ديسمبر 2006.. وقتها كان في حاډثة عملت ضجة جامدة الدنيا اتقلبت وبسببها مديرية الأمن كلها كانت بتدور على شاب اسمه ممدوح كامل كانوا عاوزين يوصلوا لأي خيط يدلهم عليه بأي طريقة ولو مش عارف اللي حصل.. تعالى وانا هحكيلك من البداية...
كنت قاعد مستنيه في المكتب أول ما دخل ولقاني في وشه ضحك وقالي...
ايه اللي رماك عليا.. خير
زي ما أنت يا طه.. مابتتغيرش يا ابني هو احنا مش كنا زمايل فيها ايه لما أجيلك وأطمن عليك!
لا مفيهاش حاجة بس احنا كنا زمايل أيام ثانوية عامة يا طارق دلوقتى أنا ظابط وانت صحفي تفتكر دي علاقه عادية.
ايه علاقة عادية دي يخربيتك هتشبهنا.
انجز ايه اللي رماك عليا في الوقت ده.. احنا بقالنا فترة بنتحايل عليك عشان تخرج معانا.
مرمانيش عليك غير الشديد القوي ثم انت عارف اني دايما بعمل تحقيقات ومسافر أغلب الوقت يعني مابقعدش.
وايه هو الشديد القوي اللي رماك عليا
قضية ممدوح كامل.
مالها
عايز أعرف كل التفاصيل عنها.
ليه
اهو ايه اللي ليه ما انت عارف اني شغال في قسم التحقيقات وبما انها بقت قضية مسمعه فانا حابب أكتب عنها اصل الغموض اللي في القضية دي مخلي عندي سينس كده من الفضول على شوية استفزاز.
ممممم.. وهتدفع كام
أدفع ايه يا طه احنا صحاب يا جدع
ماشي تمام وبما اننا صحاب هحكيلك اللي حصل بس بشرط.
كمان هتتشرط عليا الله يرحم أيام ما كنت بتتحايل عليا عشان أذاكرلك
ياعم اتلهي شوف أنت فين وأنا فين دلوقتي أنا رائد قد الدنيا وأنت حتة صحفي جايلي عشان تاخد مني خبر وده مش تقليل منك يا صاحبي ولا من شغلانتك بس هو ده اللي الواقع بيفرضه علينا وبعدين انا مش هحكي الا بشرط زي ما قولتلك ده اذا كان عاجبك.
ماشي يا عم الرائد موافق على شرطك من غير ما أعرفه.
لا لا لازم تعرفه انت هتعزمني على أكلة سمك لما التحقيق بتاعك ده يضرب.
بس كده ماشي يا عم اللي تقول عليه هنفذه احكي بقى وخلصني.
بص يا طارق في اليوم ده وعلى الساعة 11 بالليل كده وصل تعميم في اللاسلكي بتاعي...
كمين شرق.. كمين شرق.. حول.
الرائد طه رشدي معاك.. حول.
في عربية ميني كوبر ببابين ولونها رمادي العربية دي خبطت بنت في تقاطع شارع قريب من الكمين اللي انتوا فيه وهي في طريقها ليكوا حاولوا توقفوها وتقبضوا على الشاب اللي سايقها.. حول.
علم وينفذ.. حول.
مالحقتش أنزل من عربيتي ومعداش ثواني أصلا.. والعربية اللي اتبلغ فعلا عدت من الكمين اقتحمته من غير ما حد يلحق ياخد أس رد فعل شاب طايش كان سايق عربيته بسرعه كبيرة كسر الكمين ماقدرتش أعمل حاجة في الوقت ده غير اني شغلت العربية بتاعتي وطيرت وراه كل اللي كنت بفكر فيه وقتها اني أوقفه مهما حصل وبأي طريقه بس للأسف قدر يهرب مني.. مطاردتي للشاب ده خدت تقريبا تلت ساعة وفي الأخر ولما فلت مني رجعت تاني لمكان الكمين من غير ما أوصل لحاجة رجعت عشان بس أطمن على العساكر اللي كانوا معايا بس تعرف انا كنت حفظت نمرة العربية ولما خلصت طلعت على القسم اللي في المنطقة واديتهم شوية تفاصيل هتفيدهم عشان يقدروا يوصلوا للشاب اللي كان سايق العربية لكن في الليلة دي تحديدا ماعرفتش أنام كان عقلي مشغول باللي حصل في الكمين وأول ما النهار طلع لبست ونزلت لفيت بالعربية بتاعتي شوية لحد ما جالي تليفون من القسم ساعتها اتحركت بسرعة على المكان اللي مأمور القسم قالي انهم لقوا فيه العربية اللي متبلغ عنها ماكنتش شايف قدامي لأني مانمتش كويس بس وصلت للمكان وركنت عربيتي ونزلت العربية كان باين انها عامله حاډثة لسه بتطلع دخان خفيف بصيت للظابط اللي كان واقف جنب العربية وحواليه شوية عساكر قربت منه وعرفته على نفسي بعدها سكتت شويه وفضلت مركز مع العربية لحد ما بصيتله باستغراب وقولتله...
هو اتخبط ازاي سواقته امبارح وتحكمه في العربية ماتقولش انه كان شارب عشان يلبس في الشجرة بالمنظر كه.
مش عارف والله يا طه باشا بس زي ما انت شايف كده احنا لقينا العربية داخله في الشجرة بالشكل ده وده طبعا بعد بلاغ وصل للنجده على الساعة 7 الصبح.
طب والشاب اللي كان سايقها حالته ايه دلوقتي
للأسف ماحدش عارف عنه حاجة. 
نعم!.. يعني ايه 
يا باشا احنا لقينا العربية بس ماكنش فيها حد يعني منعرفش حالة اللي كان سايق دلوقتي ايه ولا حتى هو فين!
طب شوفوا أقرب مستشفى وبلغوا عشان لو حد لقاه نقله ولا حاجة.
أكيد.. وده اللي حصل.
تمام.. لو في جديد يا ريت تبلغني.
حاضر يا باشا أول ما تبان حاجة جديدة هبلغك على طول.
١٧٥ ٤٠٩ ص Doaa الجزء_التاني
الخفاش 
سيبت المكان ورجعت شغلي حاولت أخرج الموضوع من دماغي عشان مايسيطرش عليا ويشل تركيزي وبعد كام ساعه جالي مكالمه من نفس الظابط اللي قابلته الصبح...
طه باشا ازيك يارب تكون بخير.
الحمد لله تمام في جديد ولا ايه
أكيد يا باشا أنا قولت أكلمك وأعرفك اللي جد.
طب بلاش مقدمات وقول بسرعة وصلتوا للواد اللي كان سايق
لا يا باشا بس لقينا الرخصه بتاعته على الأرض بعيدة عن العربية بشوية.
معنى كده انه خرج منها وكان قادر يمشي
لحد دلوقتي ماحدش عارف بس الاسم اللي في الرخصة بيقول انه ممدوح كامل ومن الجيزة.
طب أنا هعدي عليكوا في القسم عشان أشوف الصورة اللي في الرخصة وساعتها هنعرف هو هو نفس الشخص اللي كان سايق ولا لا.
تمام يا باشا في انتظار معاليك واحنا طلعنا قرار ضبط واحضار على العنوان بتاعه وان شاء الله هنوصله قريب.
تمام أوي كده. 
قفلت معاه يا سيدي و...
الباب بتاع المكتب خبط طه سكت وبص للباب...
ادخل.
في اللحظة دي دخل عسكري وقال لطه ...
المأمور عاوزك ضروري ياباشا.
طيب روح وأنا جاي.
العسكري خرج وقفل الباب طه بصلي ورفع كتافه لفوق..
وبعدين يا طه ايه اللي حصل
نكمل كلامنا وقت تاني لأني أكيد هنزل دلوقتي بما انه طالبني.
ماشي يا طه ماتنسانيش بس.
حاضر والله ضروري هنتقابل وهنكمل يلا سلام بقى عشان ماخدش جزا.
ماشي يا عم أشوفك على خير سلام.
خرجت من مكتبه وقفت في الممر وولعت سېجاره لكن لا انا لازم اتعب شوية ومن هنا قررت أدور أنا كمان ورا الاسم يمكن أوصل لأي طرف خيط يعملي سبق صحفي في التحقيق بتاعي.
المتحدث شخص أخر طالب في الجامعة وشخص طيب
كنت يادوب لسه داخل الشقة الساعة كانت خلاص داخله على 2 الفجر